अध्यात्मिक जनजागृती, समाजप्रबोधन व स्वामीभक्तीचा प्रसार हा उद्देश ठेवून सद्गुरू श्री चैतन्यस्वरूप ती. अण्णा आणि सद्गुरू श्री लक्ष्मीस्वरूप ती. सौ. आईंनी २० ऑक्टोबर १९८८ रोजी विजयादशमीच्या मुहूर्तावर "श्री स्वामी समर्थ धार्मिक ग्रंथालयाचा" शुभारंभ केला. सद्गुरूंनी अध्यात्मिक ज्ञानाचे दालन सामान्य जनांसाठी खुले केले.

             डोंबिवली येतील हे ग्रंथालय महाराष्ट्र शासनमान्य सार्वजनिक ग्रंथालय आहे. ग्रंथालयातील एकूण ग्रंथसंख्या ही १६४४० आहे . ग्रंथालयात इतर भाषांचीही काही पुस्तके आहेत. अत्यंत अल्प दरात हा खजिना डोंबिवलीतील वाचकांना उपलब्ध करून दिला जात आहे. हे ग्रंथालय रोख व पुस्तक स्वरूपातही देणगी स्वीकारते. ग्रंथालयातील सर्व पुस्तकांची माहिती कोहा या आज्ञावलीचा वापर करून अद्ययावत केलेली आहे.  तसेच ग्रंथालयातील दैनंदिन कामे ही कोहा या आज्ञावलीचा वापर करून केली जात आहेत. ग्रंथालयातील सर्व  पुस्तकांना बारकोड लावलेले आहेत. 

             ग्रंथालयातील एकूण  सभासद संख्या ही ५८५ असून  यामध्ये ८५  बाल वाचक आहेत. सर्व  सभासदांना पुस्तकांची देवघेव ही संगणकाचा वापर करून केली जात आहे.